BA OTE BERDIN?

Ba ote berdin

karmin izeneko ezpainen narrasdurak
itsutzen duen irudizko gozamenaren
hutsunea
eta
xerabidetiko larruz larruko olatuek
lagatzen duten goizaldeko izaren
baretasuna ?.


Ba ote berdin.

haurren negarra
eta amamaren azken agurra?

edo

ontzioletako langileen eskuak gaueko hamabietan
eta hamaiketako korbatadunenak?


Ba ote berdin


Aketz madarikatuen kosk leiarrak
betiko isilarazten dituen etsipenezko garrasi
mutuak
eta
parabellumetikoak zeharkatzen duen garondoko
leize patriotiko-makabroaren zintzur hormatuen
oihartzuna?

Ba ote berdin?

Zuk akaso .....
berdin aditzen duzu?